13:34 Օրեր առաջ հնագետները Աղձք բնակավայրում հայտնաբերել են |
Օրեր առաջ հնագետները Աղձք բնակավայրում հայտնաբերել են հայոց արքաների մասունքները: Արշավախմբի ղեկավար Հակոբ Սիմոնյանն այսօր լրագրողներին ասել է, որ 2 տարի առաջ սկսել են պեղել հայտնի բնակավայրի խոնարհված եկեղեցու ներքին տարածքը, եւ խորանի տակ հայտնաբերել են քարե 3 սնդուկներ: 2-ն արդեն բացել են եւ գտել մարդկանց՝ խնամքով դասավորված մասունքները: Ըստ Հակոբ Սիմոնյանի՝ այդ ոսկորները մաքրված են եղել փափուկ հյուսվածքներից, այսինքն՝ ժամանակին դրանք դամբարանից տեղափոխվել են սնդուկների մեջ: Այսպիսով ապացուցվում է Մովսես Խորենացու եւ Փավստոս Բուզանդի այն վկայությունը, որ ժամանակին պարսիկները թալանել են Հայոց արքաների գերեզմանները, ոսկորները փորձել են տանել Պարսկաստան՝ հավատալով, թե դրանով կթուլացնեն Հայաստանը, բայց Վասակ Մամիկոնյանին հաջողվել է վերադարձնել դրանք եւ ամփոփել Աղձք ավանում: Դեռ պարզ չէ՝ արդյոք հնարավոր կլինի ոսկորները ԴՆԹ-հետազոտության ենթարկել, բայց մասնագետները չեն կասկածում, որ դրանք արքայական ընտանիքի անդամների աճյուններն են: «Հստակ կարող ենք ասել, որ այստեղ վերաթաղված են եղել Արտաշիսյաններն ու Արշակունիները: Ոսկորների մի զգալի մասը բուն դամբարանում է եղել եւ չի պահպանվել, մյուս մասը ծակել են եկեղեցու ներքո գտնվող ժայռը, խնամքով դրել քարե սնդուկների մեջ»,- մանրամասնեց հնագետ Հակոբ Սիմոնյանը:
|
|
Всего комментариев: 0 | |