Գերմանական աճուրդային տան ղեկավարին ձերբակալել են՝ Իտալիայում արժեքավոր գրքեր գողանալու համար

Մյունհենում ձերբակալել են Zisska&Shauer գերմանական աճուրդային տան ղեկավար Հերբերտ Շաուերին՝ Ջիրոլամինիի նեապոլական գրադարանից 600 հատոր գիրք յուրացնելուն հանցակից լինելու կասկածանքով: Նա ձերբակալվել է օգոստոսի 2-ին, սակայն միջադեպը հանրության շրջանում լայն արձագանք է ստացել այն բանից հետո, ինչ աճուրդային տան աշխատակիցները օգոստոսի 28-ին բողոքել են դրա դեմ:

Աճուրդային տան ներկայացուցիչներն իրենց ղեկավարին ներկայացրած մեղադրանքներն աբսուրդային են համարել:

Գործը, որին հանցակից լինելու մեջ մեղադրում են Շաուերին, հարուցվել է 2012թ: Գրադարանի նախկին տնօրեն Մարինո Մասսիմո դե Կարոյին դատապարտել են 7 տարի ազատազրկման: Վերջինս կարող էր տասից ավելի հանցակիցներ ունենալ:

Ինչպես հաղորդում է «Lenta.Ru»-ն, Ջիրոլամինիի գրադարանը հիմնադրվել է 1586թ: Իր գոյության տարիներին այստեղ կուտակվել են ձեռագրերի, գրքերի եւ նոթատետրերի հավաքածուներ: Դրանց ընդհանուր քանակը գերազանցում է 160 հազարը: