Մայաների թագավորության Ուքսուլ քաղաքում հնագետները եղբայրական գերեզմանոց են հայտնաբերել՝ 24 մարդկային անդամահատված մարմիններով, հայտնում է Вести.Ru-ն:

Հայտնագործության հեղինակը Բոննի համալսարանի հնագետն է, ով ուսումնասիրելով մայա հնդկացիների ջրամատակարարման համակարգը, 32 քառ. մետր տարածքով արհեստական քարանձավ է հայտնաբերել:

Քարանձավում գտնված 24 մարմինները անդամահատված են եղել: Վերլուծության արդյունքում ողնաշարի ողերի վրա կացնի հետքեր են հայտնաբերվել, ինչից հետևում է, որ մարդկանց գլխատել են:

Հետազոտողներին հաջողվել է պարզել զոհվածներից 15-ի սեռը, որոնցից երկուսը կանայք են եղել: Նրանց բոլորի ատամները զարդարված են եղել նեֆրիտով, ինչը հուշում է նրանց բարձր սոցիալական կարգավիճակի մասին:

Գիտնականներն ավելի վաղ ևս մայաների քաղաքակրթությունում բռնության հետքեր էին հայտնաբերել, սակայն միայն նկարների տեսքով: